ИНФОРМАЦИОННОЕ СООБЩЕНИЕ


2023 йил 27-28-октябрь кунлари Ўзбекистон Республикаси Фанлар Академияси, Ўзбекистон Республикаси Олий таълим, фан ва инновациялар вазирлиги, Ўзбекистон Республикаси Энергетика вазирлиги, Ўзбекистон Миллий университети ҳузуридаги Яримўтказгичлар физикаси ва микроэлектроника илмий-тадқиқот институти ва Тошкент шаҳридаги ““МЭИ” миллий тадқиқот университети” федерал давлат бюджети олий таълим муассасаси филиали ҳамкорлигида Ўзбекистон Республикаси Фанлар Академиясининг 80 йиллигига ва академик Т.М. Муминовнинг хотирасига бағишланган “ЯРИМЎТКАЗГИЧЛАР ФИЗИКАСИ, МИКРО- ВА НАНОЭЛЕКТРОНИКАНИНГ ФУНДАМЕНТАЛ ВА АМАЛИЙ МУАММОЛАРИ” мавзусидаги II Халқаро конференцияси ўтказилди.
Яримўтказгичлар физикаси соҳасида олиб борилаётган илмий тадқиқот ишларини мувофиқлаштириш ва бу соҳада фаолият кўрсатаётган чет эллик олимлар билан илмий алоқаларни мустаҳкамлаш, ҳамда республикамизда илмий фаолият олиб бораётган ёш олимларининг илмий ишларини юқори сифат даражасига кўтариш мазкур конференциянинг асосий мақсади этиб белгиланган эди


  • Конференцияда яримўтказгич материаллар ҳажми ва сиртидаги физик ҳодисалар, яримўтказгич материаллардаги киришма ва нуқсонлар, фотоэлектрик технологиялар: муаммолар ва тенденциялар, микро - ва наноэлектроника қурилмалари: ишлаб чиқиш, қўллаш, тадқиқот ва диагностика усуллари, конденсирланган муҳитларнинг радиациявий физикаси муаммолари, яримўтказгич материалларни тадқиқ қилишнинг ядро-физик усуллари, ва ядро, иссиқлик ва гидроэнергетиканинг ривожланиш истиқболларига бағишланган илмий натижаларни амалга тадбиқ қилиш ҳамда ушбу соҳадаги устувор йўналишлар бўйича соҳа мутахассислари билан фикр алмашилди.


  • Ушбу конференция хорижда ва мамлакатимизда яримўтказгичлар физикаси, микро- ва наноэлектрониканинг истиқболли йўналишлари бўйича илмий-техник дастурларини амалга ошириш, илм-фан йўналишида халқаро ҳамкорликни янада кенгайтириш ва ёш олимларни соҳага жалб қилиш ҳамда уларни соҳанинг етук мутахассислари билан алоқаларини янада мустаҳкамлаш вазифасини ўтаб берди

  • Конференцияда яримўтказгичлар физикаси соҳасидаги фаолият олиб бораётган дунёнинг етакчи давлатлари: Россия, АҚШ, Япония, Хитой, Латвия, Таиланд, Белоруссия, Польша, Руминия, Португалия, Озарбайжон, Қозоғистон, Тожикистон ва Қирғизистон каби мамлакатлардан ҳамда юртимизнинг мазкур йўналишга ихтисослашган илмий тадқиқот муассасалари ва ОТМ лари олимлари бевосита иштирок этишди.
    Конференция материаллари тўплами.